Kategoriaren artxiboak: Santurtzi

AURRE EGIN! KANPAINA

Jaietan ere… AURRE EGIN sexu erasoei!!

NESKA! Erasoak aurreikusteko baliabideak:

1.- Ziurtasunez ibili, zenbat eta ziurtasun gutxiago adierazi orduan eta ahulago ikusiko zaituzte. HARTU ZURE ESPAZIOA.

2.- Fidatu zure irizpideaz. Zerbait txarto doala uste baduzu, EKIN. Zuk baino ez dakizu zerbait gustuko duzun edo min eman edo erasotzen dizun. ZEUK ERABAKITZEN DUZU!

3.- Gogoratu “EZ” esateko eskubidea duzula, bai eta ezagunei ere. ZURE GORPUTZA ZEUREA DA.

4.- ONDO MAITE ZAITUENAK MAITASUNEZ MAITE ZAITU, errespetuz tratatuko zaitu.

MUTILA! Erasoak aurreikusteko baliabideak:

1.- Ez zaitez bazterrean geratu! Zeure jokaera ere bada garrantzitsua. EZ IZAN KONPLIZEA, jokatu eta esan “EZ” erasotzaileei.

2.- Neketsua edo nazkagarria izatea ez da ligatzea, ERASOTZEA DA. Ipurdia ukitzea edo gehiegi jasanaraztea ere erasotzea da, bakean uzteko esan dizunean ere.

3.- “EZ” beti EZ da. Emakumeak eskubide osoa du nahi duena eta nahi ez duena erabakitzeko. Ezin duzu bere erabakia hartu.

4.- Drogaren erabilerak eta neurrigabekeriek ez dute erasoa justifikatzen. “Mozkortuta” ere ez utzi inori emakume bat erasotzen.

5.- Kalea, gaua, eguna, jaiak PERTSONA GUZTIEN gozamenerako dira.

NESKAK, zer egin erasoaren aurrean?

1.- Eraso egoeraren aurrean, EGIN OIHU jendearen arreta pizteko.

2.- Gogoan izan BEGIRADA, AHOTSA ETA ZURE GORPUTZA erasotzaileei aurre egiteko ARMAK direla.

3.- Jazartzen edo txarto tratatzen bazaituzte, bilatu lagunen babesa. Bilatu laguntza EZ ZAUDE BAKARRIK!

Tratu txarrak edo sexu erasoa jasan baduzu (saiakeran geratu bada ere):

1.- GOGORATU GARBITUZ GERO, FROGAK galtzen direla.

2.- Deitu konfiantzazko norbait, LAGUNA EDO SENIDEKOA, lagun zaitzaten.

3.- Joan POLIZIA, OSPITALE edo EPAITEGIRA auzitegiko zainketa izateko.

LARRIALDIETARAKO TELEFONOAK:

Santurtziko Udaltzaingoa: 94 461 34 34

24 ordu Eusko Jaurlaritza: 900 840 111

LARRIALDIAK SOS DEIAK: 112

 Nahi duzunean, zatoz Santurtziko Udaleko Emakume eta Berdintasun Zerbitzura

NAUTIKA ESKOLA ZAHARREKO ERABILERA ANITZEKO GELA TOPAGUNEA IZANGO DA ZENBAIT ELKARTETAKO 120 BAT EMAKUMERENTZAT

Badira pare bat hil Nautika Eskola zaharreko ateak zabaldu zirela herritarrei Gizarte Ekintza eta Berdintasun arloarekin lotutako zenbait zerbitzu emateko. Gainera, berrikuntza gisa, eta instalazioetan egin den konponketa integralaren ondorioz, eraikinean erabilera anitzeko gela gaitu da herriko emakumeen elkarteei zerbitzu emateko.

Udal-eraikinetara oztoporik gabe iristeko eskubidea gogoan, Santurtziko Udalak lokal hau gehitu dio irisgarritasun neurriak betetzen dituen udal-lokalen zerrendari. Horrela bada, Aintzane Urkijo Santurtziko Udaleko alkateak Itziar Carrocera Gizarte Ekintzako zinegotziarekin eta herriko zenbait elkartetako emakumeekin batera egindako agerpenean esan bezala, “beti izan ditugun helburuetako bat zera izan da, bai udal-bulegoetan eta bai herriko kaleetan irisgarritasuna hobetzea ahal den neurrian. Eta horretan aritu gara lanean espaloien maila jaitsiz, hiri-igogailu ugari ezarriz eta udal-bulego eta arloetan hobekuntzak eginez, hala nola, Casa Torre jauregian, Udaletxean, Koskojaleseko bulego berrian, SanturtziLanen… Eta orain, Nautika Eskola zaharrean jardutea zegokigun”.

Eraikina zaharberritu aurretik, udalaren gizarte zerbitzua ematen zen bertan, baina obra amaitu denean, Emakume eta Berdintasun zerbitzua eta Adikzioak Prebenitzeko zerbitzua ere eraikin horretan ezarri dira. “Konponketarekin herriaren beste toki batzuetan lokalak zituzten elkarteei balio anitzeko toki bat eskaini ahal izan zaie beheko solairuan”. Horrela, herriak aspalditik eginda zuen eskakizunari erantzunez, gunea elkarteen esku jarri da, txandaka erabil dezaten egutegi jakin baten arabera, eta iristeko oztopoak zituzten instalazio zaharrak alde batera utzita.

Urkijok, gunea irailetik aurrera erabiliko duten hauetako emakume batzuk lagunduta, horrela esan du: “Guztira, herriko 5 elkartetako 120 bat emakumek erabiliko dute aretoa euren jardueretarako, gunea euren beharren arabera partekatuz eta egutegi jakin bati jarraituz”

Santurtziko Udalak 700.000 bat euro inbertitu ditu hobekuntza hauetan, eta euren bidez irisgarritasun osoa bermatu ahal izan da.

“EMAKUMEEN KONTAKIZUNAK” XIX. KONTAKIZUN-LEHIAKETA

Gaur egun indarrean dagoen Santurtziko Berdintasun Planaren helburuetako bat hizkuntza-adierazpena eta literatura-sorkuntza sustatu eta zabaltzea da, horrela jasota baitago aipatu plan horren konpromisoen atalean. Helburu horrekin eta Kontakizun Laburren Lehiaketaren aurreko edizioei jarraipena emanez, berorren XIX. edizioa deitu da.

Zenbait berrikuntza izan dira. Batetik, kategoria berri bat sortu da 13 eta 17 urte arteko neskentzat, eta horretarako irakaskuntza-zentroetan zenbait tailer egingo dira parte hartuko duten emakumeei kontakizuna idazten lagundu eta lehiaketan aurkezteko. Geletako azalpenez gain, aholkularitza-zerbitzua eskainiko da, non aditu batek aholkua eskatu duen parte hartzaile bakoitzaren kontakizunaren zirriborroa aztertuko duen. Aholkularitza doan izango da eta whastapp bidez egingo da 667 268 939 telefono-zenbakira deituta.

Bestalde, 18 urtetik gorako emakumeentzat sormenezko literatura-tailerra sortu da, kontakizun laburrei buruzko teknikak irakatsi eta aholkua emateko helburuz. Santurtziko edozein emakumek eman dezake izena Berdintasun Zerbitzura deituta; tailerra 18:00etatik 20:00etara egingo da astean behin eta azaroaren amaiera aldera bukatuko da. Gainera, edozein emakumek izango du aholkua doan eskatzeko aukera whatsapp bidez.

Santurtzin erroldatuta edo bertoko hezkuntza-zentroetan eskolaratutako emakumeak baino ezin izango dira aurkeztu, prestakuntza eta sarien onurak herriko emakumeek goza ditzaten.

Hona hemen sariak: 500na eta 200na euro kategoria bakoitzeko lehenengo eta bigarren sailkatuentzat hurrenez hurren. Lau kategoria egongo dira bi aldagaitan oinarrituta: hizkuntza (euskaraz edo gaztelaniaz) eta adina (13 eta 17 urte artean eta 18 urtetik gora).

Parte har ezazue!

Informazioa jasotzeko:

Berdintasun Zerbitzua

Murrieta etorbidea, 22, solairuartea 11. atea

Telefonoak> 94 483 35 66 eta 94 420 58 00 luz. 321